Orin : Dizoloet eo bet ar c’hoari-mañ e Moel,anezhi ur vourc’h vihan en Il-ha-Gwilen. Dibar eo peogwir e vez c’hoariet gant bouloù n’int ket ront,met heñvel o stumm ouzh pennoù mell.

Doare ar c’hoari : c’hoari war wenn,enebet e vez meur a c’hoarier gant kilhoù Moel. Diskar kilhoù, disheñvel o zalvoudegezh, evit kaout an niver brasañ a boentoù, eo zo d’ober.

Tachenn : tachenn stabilaet, plat kentoc’h.

Dafar :
-9 c’hilh,disheñvel o ment,zo skrivet ur sifr a glot gant o zalvoudegezh (a 1 da 9) war benn pep hini anezho.
-9 "boul " bep a doull bizied ha bep a doull biz-meud enno.

Ober pouezusañ : bannañ resis, gant ampartiz, d’ar gwenn.

KREGIÑ A RA AR C’HOARI : Tennet e vez d’ar blouzenn verr ar c’hoarier kentañ a ya da gemer plas war an alf.

MONT EN-DRO AR C’HOARI : an 9 boul a vez taolet an eil war-lerc’h eben gant pep c’hoarier. Etre pep bannadenn e vez sammet an niver a boentoù graet hag adlakaet pep kilh en he flas. Pa vez diskaret ur gilh hec’h-unan e talvez evit an niverenn zo skrivet warni. Ma’z eo skarzhet kuit ar gilh vihanañ en tu all d’ar renkennad kentañ, hep lakaat kilh ebet all da gouezhañ e talvez 10 poent. Ma kouezh kilhoù all a-gevret, e talvez pep hini anezho evit ur poent nemetken.

Echuiñ a ra ar c’hoari : lpa’z eo bet taolet e 9 boul gant ar c ’hoarier diwezhañ. Gounezet eo gant ar c’hoarier en deus ar muiañ a boentoù.

Evezhiadennoù pedagogel : pouezus eo lakaat an hed etre ar c’hilhoù hag an alf da glotañ gant oad ar c’hoarierien (6 m evit an oadourien).