Orin : C’hoari eus Kreiz Breizh.C’hoariet e vez e bro Bondivi hag he zro-war-droioù. Abaoe en tu hont d’ur c’hantved ez eus eus ar c’hoari paledoù war hent.

Doare ar c ’hoari : War an hent e vez c’hoariet. Enebet e vez ur c’hoarier ouzh unan all pe ouzh meur a hini a-enep an hevelep niver a eneberien.Ar c’hoari hiniennel a vez c’hoariet gant pep a dri faled. Pa vezer daou-ha-daou pe tri-ha-tri e vez c’hoariet gant daou baled pep hini. Klasket e vez tostaat ar muiañ ar gwellañ d’ar mestr hag er c’helc’h.Ma ya ar mestr er-maez eus ar c’helc’h e vo ret kregiñ ar c’hoari an taol en-dro.

Tachenn : treset e vez daou gelc’h, pe kroazioù keltiek, 50 cm o zreuzkiz da 9 metrad an eil diouzh egile (c’hoari evit an dud gour : 15 metrad). E-kreiz ar c’helc ’h emañ ar mestr. War un hent e vez c’hoariet.

Dafar : daou baledig 3 cm o zreuzkiz hag 1 cm kant dezho; paledoù bras 350 g o fouez,6 cm o zreuzkiz ha 1.3 cm kant dezho. E dir eo ar paledoù bras (e houarn-teuz, bihanoc’h ha skañvoc’h e oant gwezhall).

Obererezh pennañ : bannañ ar paledoù an tostañ ar gwellañ d’ar mestr hag er c’helc’h.

Kregiñ a ra ar c’hoari : goude bezañ tennet d’ar sord ar c ’hoarier pe ar skipailh a grogo.

Mont en-dro ar c ’hoari : Ar c’hoarier pe c’hoarier kentañ pep skipailh a vann e baled an tostañ ar gwellañ d’ar mestr, ha neuze ez adkrog. Kenderc’hel da c’hoari a ra ar skipailh ar pellañ diouzh ar mestr keit ha ma ne vo ket merket ar poent gantañ, hag all.

Echuiñ a ra ar c’hoari : pa vez tizhet 12 poent gant ur c’hoarier pe ur skipailh.

Evezhiadennoù : heñvel eo ar c’hoari paledoù war hent evit ar vugale pe an oadourien; koulskoude, hervez an oadoù, e c’heller adaozañ an hed etre an daou gelc’h. Dafar ar c’hoari paledoù war douar a c’hell bezañ implijet evit ar c’hoari-se.