Orin : a-orin eus Il-ha-Gwilen,c ’hoariet-tre e vez en departamant-se c’hoazh.

Doare ar c’hoari : enebet e vez daou skipailh gant ar c’hoari war wenn-se.Pep c’hoarier (2 ouzh 2), pevar faled gantañ,a c’hoari d’e dro; dezhañ da dostaat ar gwellañ eus ar "mestr " lakaet war ur plankenn koad.

Tachenn : tachenn blat ha stabilaet a vez lakaet ur plankenn koad warni.

Dafar : 1 plankenn koad pupli ha pevar faled, houarn-teuz.

Obererezh pennañ : bannañ ouesk war wenn (ar mestr).

KREGIÑ A RA AR C’HOARI : e-kreiz ar "plankenn" e vez lakaet ar mestr. Bannañ a ra ur c ’hoarier eus ar skipailh kentañ e baled, ha neuze ez eo tro d’ur c’hoarier eus an eil skipailh.Dibab a ra an hini zo an tostañ e baled d ’ar mestr e genc’hoarier kentañ, ha neuze ez eo tro d’ar c ’hoarier all, hag all. Bannañ a ra ar skipailh kentañ ar mestr war ar plankenn. Ma vez c ’hwitet 3 gwezh e vo tro d’an eil skipailh d ’e vannañ.

MONT EN-DRO AR C’HOARI : goude d’ar c’hoarier kentañ bezañ bannet ar mestr e vann daou baled lerc ’h-ouzh-lerc’h.Ha neuze e stag c ’hoarier an eil skipailh ganti; bannañ a ra daou baled d ’e dro. Ar c ’hoarier da heul a vo eus ar skipailh a goll; ur skipailh a c’hoari keit ha ma n’eo ket mestr. Ma vez skarzhet ar mestr kuit diwar ar plankenn e-pad ar c’hoari e kroger ar c’hoari en-dro. Ar poentoù nemeto a gont eo ar re dostañ d’ar mestr. D’an abadenn war-lerc’h e vez bannet ar mestr gant an hini zo bet gounezet gantañ an abadenn gent.

ECHUIÑ A RA AR C’HOARI : pa vez tizhet 12 poent gant unan eus an daou skipailh.

EVEZHIADENNOÙ PEDAGOGEL : pouezus eo lakaat an hed bannañ da glotañ gant oad ar vugale. 5 m eo evit an oadourien.