Orin : Ken abred hag an XIvet kantved e vez kavet roudoù eus ar c’hoari-mañ. C’hoariet e voe dreist-holl e Su Penn-ar-Bed hag e Gwalarn ar Mor-Bihan.Bremañ e vez c ’hoariet e Hanternoz Penn-ar-Bed.

Doare ar c’hoari : c’hoari war gwennoù,enebet e vez daou c ’hoarier pe daou skipailh an eil ouzh egile. Ar pal zo merkañ an niver brasañ a boentoù. Bannañ a ra ar c’hoarier e 5 boul lerc ’h-ouzh-lerc ’h war ar c’hilhoù, ha neuze e laosk unan all da c’hoari en e blas.

Tachenn : en alezioù, hentoù douar...un dachenn gompez zo gwelloc’h.

Dafar : 9 c’hilh koad mentoù disheñvel dezho (1 vras, 4 c ’hrenn, 4 vihan). En un hirgarrezenn, tu strizh a-dal d’ar c’hoarierien, e vezont lakaet.

Framm : unan ouzh unan,daou ouzh daou.

Ober pennañ : prientiñ e vannadenn, bukañ ha tizhout ur gwenn resis-tre (an hini gozh).

KREGIÑ A RA C’HOARI : Ar c’hoarier, tennet gantañ ar blouzennig, a ya da gemer e blas war al linenn treset war al leur (an alf).

MONT EN-DRO AR C’HOARI : Teuler a ra ar c’hoarierien o 5 boul lerc’h-ouzh-lerc’h. Pep hini a rank lakaat ar voul da ruilhal ur metr da nebeutañ dirak ar c’hilhoù. Pep kilh a rank bezañ diskaret hec’h-unan evit kaout he zalvoudegezh, da c’houzout kilh ar c ’hreiz : 9 foent ;ar re grenn : 5 poent ;ar re vihan : 1 poent. Ma kouezh meur a gilh a-gevret,ne dalvez mui pep hini anezho nemet 1 poent. N ’eus nemet an «hini gozh «(an hini vras e-kreiz),mar kouezh, a c’hell bezañ adlakaet en he sav etre pep bannadenn.

ECHUIÑ A RA AR C’HOARI : Ar maout a ya gant ar c’hoarier pe ar skipailh zo an niver brasañ a boentoù dezhañ goude bezañ graet ar 5 bannadenn aotreet.
Doare all da c’hoari :ur marc ’had a vez graet etre ar c’hoarierien. Ret eo dezho tizhout an niver a boentoù bet divizet ganto. Ar maout a ya gant an hini a dizh anezhañ pe zo an tostañ dezhañ.

EVEZHIADENNOÙ PEDAGOGEL : Pouezus eo kemmañ an dafar, an hed etre ar c’hoarierien hag ar c’hilhoù hervez oad an dud. Bannet e vez ar bouloù da 5.50 m evit an oadourien. Ment ar c’hilhoù zo :
-ar gilh vras : 50 cm
-ar c ’hilhoù krenn : 35 cm
- ar c'hilhoù bihan : 20 cm