Orin : Pleustret e vez ar c'haloch dreist-holl er vro-Vigoudenn, e Su Penn-ar-bed. Pleustret e veze ar c'hoari-mañ e Breizh a-bezh (graet e veze "Pitao" anezhañ e Bro-Wened).

Doare ar c'hoari : C'hoari ampartiz ma vez enebet e vez 2 zen pe 2 skipailh. Pep c'hoarier en deus daou baled dir da deuler evit diskar ar c'haloch, warni al lipar (ruilhenn vetal). Kadoniezh ar c'hoari-mañ zo diskar ar c'haloch en doare da lakaat al lipar tostoc'h da baled an-unan eget da baled an eneber pe d'ar c'haloch. Tachenn : plat, teret pe stabilaet.

Dafar :
-1 c ’haloch,anezhi ur granenn goad lakaet e-kreiz ur groaz keltiek (poent-skej daou dreuzkiz)a vez implijet evit gouzout pelec ’h lakaat ar c ’haloch.-3 faled (ar pezhioù),pezhioù dir ront o stumm
-1 ruilhenn vetal (al lipar),heñvel un tamm mat he zreuzkiz ouzh hini ar c ’haloch.Lakaet e vez war homañ.

Ober pennañ : bannañ gant ampartiz evit diskar ar c’haloch ha lakaat ur paled an tostañ ar gwellañ d ’al lipar.

MONT EN-DRO AR C’HOARI : :C’hoarierien pep skipailh,a bep eil hag an eil war-lerc ’h egile,a gemer perzh en abadenn,en un urzh bet tennet d ’ar sord a chom bepred an hevelep hini.

2 zoare da vannañ ar paledoù :
-Dic’halochiñ :tri c’hammed a vez graet gant ar c’hoarier ha,gant e lañs,e klask diskar ar c’haloch. Pikañ :klask a ra ar c ’hoarier lakaat e baled an tostañ posubl d ’ar c ’haloch.
-Da bep tro e vez daou paled gant ar c’hoarier.Ma soñj dezhañ eo tizhet e bal gant ar paled kentañ e c ’hell tremen hep c’hoari e eil paled.
-Goude e dro e tiskouez ar c ’hoarier peseurt paled zo da vezañ miret evit servijout da zifenn (ar stank).Peurliesañ e vez miret ar paled an tostañ d ’ar c ’haloch.
-Pikañ a c’hell ar c’hoarier ober gant e zaou baled; ne c ’hell dic’halochiñ en ur ober tri c’hammed nemet gant ur paled, an hini kentañ, ma n’eus paled ebet e difenn gant e eneber.
-Evit merkañ poentoù, ez eo ret d ’ar c’haloch bezañ bet diskaret.Termenet eo gounezer ar poent gant plas al lipar e-keñver ar paledoù hag ar c’haloch. Gounezet eo gant an hini tostañ ha ma ’z eo ar c’haloch e talvezo al lipar ur poent ouzhpenn evit an dro da heul.

ECHUIN A RA AR C’HOARI : pa vez tizhet 15 poent gant ur c’hoarier pe ur skipailh (e-pad ur gevezadeg)pe hervez un amzer merket (da skouer 20 mn).

HED : Gallout a ra kemm an hed etre ar c’haloch hag ar par hervez oad ar c ’hoarierien : e-tro 9 c’hammed « reizh » pe 6 metrad evit ar vugale etre 9 ha 10 vloaz..