Dafar :
- Ur c'hased koad 80 X 50 cm gant ur banell e-kreiz evit lakaat ar c'hilhoù.
- Ur wern biñset ouzh ur bord, ouzh he beg ur gordennig a dalvez da zerc'hel ur voul goad.
- A-drugarez d'ur c'hlud-ruilh e tro ar gordennig. Reizhet eo hirder ar gordennig evit ma ne stokfe ket ouzh ar c'hased hag evit ma c'hellfe diskar ar c'hilloù koulskoude.
- 9 c'hilh da lakaat war ar bladenn.

REOLENNOÙ AR C'HOARI : Ret eo bannañ ar voul adal korn a-dreñv ar wern evit diskar ar muiañ a gilhoù a c'heller. Ar c'hoari zo evit ar skipailh pe ar c'hoarier, tizhout 101 poent (pe 51 poent ) da gentañ. Bep tro en deus ar c'hoarier 3 bannadenn diouzh renk d'ober.
Ur poent eo talvoudegezh pep kilh; ar re-mañ ne vezont adlakaet en o sav nemet ma'z int kouezhet holl a-raok diwezh an 3 bannadenn.

Notenn : War un daol e vez lakaet ar c'hased ha rankout a ra pep c'hoarier adpakañ ar voul en e zorn goude pep bannadenn.