Dafar :
- Ur plankenn 1,25 m x 0,15 m. Rankout a ra derc'hel en e sav ha war e hed pe en ur sankañ pikedoù a bep tu dezhañ pe en ur ouzhpennañ 2 skor a bep tu dezhañ.
- Ur vazh (troad ur rastell) 50 cm hirder ha 3 cm treuzkiz.

MONT EN-DRO AR C'HOARI :
- Enebiñ daou vugel pouez-ha-pouez pe dost. Doare kregiñ evit pep bugel : tapet krog o daouarn er vazh, o zreid harpet ouzh ar plankenn, en o c'hoazez war an douar.

Pa vez graet ur sin e sach pep bugel war ar vazh.
An hini a c'hounez eo ar bugel a sach an hini all war e du pe a redi anezhañ da ziskregiñ diouzh ar vazh.
Sachañ bepred war ar vazh kenstur ouzh ar plankenn.
Difennet e vez sachañ war e zivrec'h en un doare direizh : sachañ a ra an divrec'h a-gevret evit ma chomo ar vazh kenstur ouzh ar plankenn.

Ret eo gounit 2 grodad evit reiñ ur poent d'e skipailh.
3 c'hrogad zo d'ar muiañ. Cheñch tu da bep krogad, en ur eilpennañ lec'h an daouarn
(A a dap krog en diavaez, B er c'hreiz).

Tennet e vez d'ar sord evit ar c'hrogad diwezhañ.